"Барселона"нинг 22 ёшли ярим ҳимоячиси Марк Касадога Саудия Арабистонининг икки клуби қизиқиш билдирмоқда. Бу ҳақда журналист Экрем Конур хабар берди.
Манба маълумотига кўра, испаниялик футболчини "Ал-Ҳилол" ва "Ал-Аҳли" ўз сафига қўшиб олишни истамоқда. Таъкидланишича, ҳар икки клуб Касадо учун 40 миллион еврогача тўлашга тайёр.
Бироқ футболчининг ўзи қарор қабул қилишга шошилмаяпти ва унга келиб тушадиган барча таклифларни батафсил ўрганиб чиқмоқчи.
Касадо ўтган мавсум барча мусобақалар доирасида 34 та учрашувда майдонга тушиб, битта голли узатмани амалга оширди.
Ярим ҳимоячининг "Барселона" билан амалдаги шартномаси 2028 йилга қадар мўлжалланган. Transfermarkt мутахассислари унинг бозор қийматини 18 миллион еврога баҳоламоқда.
