Мадриднинг "Реал" клуби чап қанот ҳимоячиси Альваро Каррерас "Ювентус" қизиқишлари доирасига тушди.

Transfer News Live журналист Экрем Конурга таяниб хабар беришича, Турин клуби испаниялик футболчини ҳимоянинг чап қанотини кучайтириш учун асосий трансфер мақсади сифатида белгилаган. "Кекса синьора" учун муқобил вариант эса "Манчестер Сити" ҳимоячиси Райан Аит-Нури ҳисобланади. Каррерасга "Ювентус" томонидан қизиқиш борлиги бошқа манбаларда ҳам қайд этилган.

Transfermarkt порталида Каррераснинг бозор қиймати 50 миллион еврога баҳоланган. 23 ёшли футболчи Марк Кукурелья келганидан сўнг Жозе Моуринью жамоасида мунтазам ўйин амалиётига эга бўлмай қолиши мумкин.

25 ёшли Аит-Нурининг бозор қиймати эса худди шу портал мутахассислари томонидан 40 миллион еврога баҳоланмоқда.