"Барселона"нинг собиқ футболчиси Педро Родригес сўнгги йилларда тўп тепган "Лацио"ни тарк этди, аммо ҳозирча футболчилик фаолиятини якунлашни режалаштирмаяпти. Педро Испанияга қайтишни режалаштирмоқда. Гап Ла Лига эмас, балки Сегундада ҳаракат қиладиган Канар оролларининг "Тенерифе" клуби ҳақида кетмоқда.
39 ёшли Педро учун бу футболчилик фаолиятидаги сўнгги клуб бўлиши кутилмоқда. У "Барселона" билан клуб миқёсида кўплаб совринларни қўлга киритган, шунингдек, Испания терма жамоаси сафида 2010 йилги жаҳон чемпионати ва 2012 йилги Европа чемпионатида ғолиб чиққан.
