"Барселона" ҳимоячиси Эрик Гарсия жамоадоши Ҳамза Абделкаримнинг ўйини ҳақида фикр билдирди.
18 ёшли футболчи Жоан Гампер кубоги доирасида Қоҳиранинг "Ал-Аҳли" клубига қарши ўйинда гол урди. Абделькарим айнан шу клубдан "Барселона"га ўтган. Ўртоқлик учрашуви каталонияликларнинг 2:1 ҳисобидаги ғалабаси билан якунланди.
"Абдeлькарим мени ҳайратда қолдирди. Агар у қаттиқ ишлашда давом этса, келажакда юқори савияли ҳужумчига айланади", — дея Эрик Гарсиянинг сўзларини келтиради Barca Universal.
Мисрлик ёш футболчи ўтган мавсумнинг иккинчи қисмини "Ал-Аҳли"дан ижарага олинган ҳолда "Барселона"нинг иккинчи жамоасида ўтказган. Ёзда каталонияликлар истиқболли ҳужумчини тўлиқ сотиб олди.
