Иссиқ ҳаво туфайли "Парк де Пренс" стадиони майдони билан боғлиқ муаммолар юзага келди. Шу сабаб "ПСЖ" 23 август куни "Ренн"ни ўз майдонида қабул қила олмайди. Чоршанба куни кечқурун учрашув "Ренн" майдонига кўчирилгани расман эълон қилинди.
RMC Sport маълумотига кўра, "Ренн" "ПСЖ"нинг ўйинни ўз майдонида ўтказиш ҳақидаги илтимосига ижобий жавоб берган. Бироқ клуб бу қарор давралар алмашинувини англатмаслигини таъкидламоқда. Яъни иккинчи даврада ҳам "Ренн" аввалдан режалаштирилганидек "ПСЖ"ни ўз майдонида қабул қилиши керак.
Агар "ПСЖ" иккинчи даврадаги учрашувни ўз стадионида ўтказишга ҳаракат қилса, "Ренн" бу масалада ўз ҳуқуқларини ҳимоя қилмоқчи.
"ПСЖ" — "Ренн" учрашуви 23 август куни Тошкент вақти билан соат 23:45 да бошланади.
