«Милан» ҳужумчиси Рафаэл Леау фаолиятини Англия Премьер-лигасида давом эттириши мумкин. Бу ҳақда SportMediaset нашри хабар бермоқда.
Манбанинг маълумотига кўра, футболчининг агенти Жорже Мендеш ўз мижозини «Манчестер Сити» ҳимоячиси Рубен Диашга алмаштириш бўйича битимни ташкил этишга уринмоқда. Агар келишув амалга ошса, «Милан» «шаҳарликлар»га маълум миқдорда қўшимча маблағ ҳам тўлаб беради.
Рафаэл Леау 2019 йилдан бери «Милан» шарафини ҳимоя қилиб келмоқда. Унинг «россонери» билан амалдаги шартномаси 2028 йилнинг 30 июнигача мўлжалланган. Рубен Диашнинг «Манчестер Сити» билан шартномаси эса 2029 йилгача амал қилади.
