«Вулверхэмптон» «Ренн» ярим ҳимоячиси Жордан Жеймсни ижара асосида ўз сафига қўшиб олганини расман эълон қилди. Келишувда 22 ёшли Уэльс терма жамоаси футболчисини кейинчалик тўлиқ сотиб олиш ҳуқуқи ҳам кўзда тутилган.

Жеймс ўтган мавсумни ҳам ижарада — Чемпионшипда иштирок этган «Лестер» сафида ўтказди. У мавсум якунларига кўра чемпионатнинг энг яхши ёш футболчиси деб топилди. Шунингдек, Жеймс «Лестер»да мухлислар ва жамоадошлари талқинига кўра мавсумнинг энг яхши футболчиси совринларини ҳам қўлга киритди.

Уэльслик ярим ҳимоячи «Лестер» сафида 34 та учрашувда майдонга тушиб, 11 та гол урди ва 4 та голли узатмани амалга оширди.

Жеймс 2024 йилда «Бирмингем»дан «Ренн»га кўчиб ўтган. У Франция клуби сафида 25 та учрашувда иштирок этган.