«Спортинг» марказий ҳимоячиси Гонсалу Инасиу фаолиятини «Милан»да давом эттириши мумкин. Бу ҳақда журналист Экрем Конур хабар берди.

Манба маълумотига кўра, Италия клуби 24 ёшли португалиялик футболчини ўз сафига қўшиб олиш имкониятини кўриб чиқмоқда. «Россонери» Инасиуга июнь ойидаёқ қизиқиш билдирган ва энди унинг трансфери масаласига яна қайтиши мумкин.

Хабарларга кўра, «Спортинг» ҳимоячиси учун 40 миллион евродан ортиқ маблағ талаб қилмоқда. Бу эса трансферни амалга оширишни қийинлаштираётган асосий омиллардан бири. Шунга қарамай, «Милан» футболчига бўлган қизиқишидан воз кечмаган.

Ўтган мавсумда Инасиу барча мусобақалар доирасида 43 та учрашувда майдонга тушиб, 3 та гол урди.

Гонсалу Инасиунинг «Спортинг» билан амалдаги шартномаси 2030 йилнинг июнь ойига қадар мўлжалланган.