«Барселона» спорт директори Деку жамоадан Ферран Торрес ва Роберт Левандовски кетгани ҳақида фикр билдирди.

Ферран Торрес бу ёзда 50 миллион евро эвазига «ПСЖ»га ўтди. Левандовски эса «Барселона»ни эркин агент сифатида тарк этиб, «Чикаго Файр»га қўшилди.

«Икки футболчи — Ферран ва Роберт Левандовски кетди. Биз Ферраннинг ўрнини янги футболчилар билан тўлдиришимиз мумкин, аммо Робертнинг ўрнини босиш жуда қийин. Ҳатто яхши футболчи топсак ҳам, бу жуда мушкул бўлади, чунки у бизнинг давримизни белгилаб берган футболчи эди.

Бизда ички имкониятлар бор, аммо, албатта, айрим қадамларни ташлаймиз. Гап энг мақбул ечимни топиш ҳақида кетмоқда. 

Ҳар қандай футболчи бу ерга ўтишни хоҳлайди. Юқори даражадаги футболчиларни жамоага жалб қилиш учун эса лойиҳа керак. Бу ерга келган футболчиларни ҳам шу нарса таъсирлантирди. Уларнинг барчаси совринларни қўлга киритишни ва тарих яратишни хоҳлайди, — деди Деку.