Мадриднинг «Реал» клуби ҳужумчиси Эндрик жорий трансфер ойнасида «Ливерпуль»га ўтишни режалаштирмаяпти.
Англия гранди 20 ёшли футболчига қизиқиш билдирган, бироқ ESPN Brasil хабарига кўра, форвард бу таклифни рад этган. Футболчи «Реал»ни тарк этишни истамаяпти ва Жозе Моуриньо қўл остида «қаймоқранглилар»нинг асосий таркибидан ўрин олиш учун курашмоқчи.
Transfermarkt портали Эндрикнинг бозор қийматини 40 миллион еврога баҳоламоқда, унинг амалдаги шартномаси эса 2030 йилнинг ўрталаригача мўлжалланган. Ўтган мавсумнинг иккинчи ярмида бразилиялик футболчи ижара асосида Франциянинг «Лион» клубида тўп сурган эди.
Аввалроқ Эндрикка «Рома» ва «Астон Вилла» клублари ҳам қизиқиш билдираётгани ҳақида хабарлар тарқалган эди.
