Madridning «Real» klubi hujumchisi Endrik joriy transfer oynasida «Liverpul»ga o‘tishni rejalashtirmayapti.

Angliya grandi 20 yoshli futbolchiga qiziqish bildirgan, biroq ESPN Brasil xabariga ko‘ra, forvard bu taklifni rad etgan. Futbolchi «Real»ni tark etishni istamayapti va Joze Mourinyo qo‘l ostida «qaymoqranglilar»ning asosiy tarkibidan o‘rin olish uchun kurashmoqchi.

Transfermarkt portali Endrikning bozor qiymatini 40 million yevroga baholamoqda, uning amaldagi shartnomasi esa 2030 yilning o‘rtalarigacha mo‘ljallangan. O‘tgan mavsumning ikkinchi yarmida braziliyalik futbolchi ijara asosida Fransiyaning «Lion» klubida to‘p surgan edi.

Avvalroq Endrikka «Roma» va «Aston Villa» klublari ham qiziqish bildirayotgani haqida xabarlar tarqalgan edi.