«Комо» бош мураббийи Сеск Фабрегас Италия Серия Асининг 2026/2027 йилги мавсуми 1-туридан ўрин олган «Удинезе»га қарши ўйин олдидан ўз фикрлари билан ўртоқлашди. Учрашув шанба куни, 22 августда Тошкент вақти билан соат 21:30 да бошланади.
«Бу биз учун ўзига хос мавсум бўлади. Биз учта мусобақада иштирок этамиз, бу ушбу жамоа учун янги тажриба. Номаълум жиҳатлар жуда кўп, шу сабабли ҳар бир ўйинга алоҳида ёндашишимиз ва «Комо» учун кўплаб муваффақиятли мавсумларнинг дебочиси бўладиган ушбу ажойиб даврдан завқ олишимиз керак.
Мавсумолди тайёргарликда менга энг маъқул келгани — ўйинимизда кўрсата олган индивидуаллигимиз бўлди. «Ливерпуль»га қарши ўйиннинг иккинчи бўлимида 71% вақт давомида тўпга эгалик қилдик ва уларга қарши ҳужумга ўтишга имкон бермадик. Назаримда, бизда аниқ идентичностига эга жамоа шаклланди. Ҳали яхшиланиши керак бўлган жиҳатлар кўп, аммо устувор вазифамиз футболчиларни ривожлантириш ва «Комо» келажаги учун мустаҳкам пойдевор қўйиш бўлиб қолаверади.
«Удинезе» — шаклланган, аниқ ўйин услубига ва жисмоний жиҳатдан кучли шаклга эга жамоа. Уларга қарши баҳсга майдонда бор кучимизни бериш орқали ёндашишимиз керак», — дейди Фабрегас.
Эслатиб ўтамиз, «Комо» янги мавсумда ўз тарихида илк бор УЕФА Чемпионлар Лигасида иштирок этади.
