«Галатасарой» клуби президенти Дурсун Озбек ярим ҳимоячи Алексей Батраковнинг трансфери ҳақида ўз фикрларини билдирди.

21 ёшли футболчи Москванинг «Локомотив» клубидан «Галатасарой»га 25 миллион евро эвазига кўчиб ўтди. У клуб билан 2031 йилнинг июнигача шартнома тузди ва йилига 3,25 миллион евро маош олади.

«Бугундан эътиборан Алексей «Галатасарой» либосида майдонга тушишни давом эттиради. У клубимизни кучайтиради. Чемпионлар Лигаси ва чемпионатдаги муваффақиятларимизга катта ҳисса қўшади.

Мен унга: «Галатасарай»га хуш келибсан, дейман. Узоқ йиллар давомида «Галатасарой»га хизмат қиладиган биродаримиз бўлади деб умид қиламан. Унга муваффақиятлар тилайман», деди Дурсун.

Батраков «Локомотив» таркибида барча турнирларда 84 та ўйин ўтказиб, 34 та гол урган ва 23 та голли узатма муаллифи бўлган. Россия терма жамоаси сафида эса 12 та ўйинда майдонга тушиб, 4 та гол уришни уддалаган.