«Атлетико» ҳужумчиси Хулиан Альвареснинг келажаги борасида янги маълумотлар пайдо бўлди. Аргентиналик футболчи фаолиятини фақат «Барселона»да давом эттиришни хоҳламоқда.

Marca маълумотига кўра, 26 ёшли форвард бошқа клубларни вариант сифатида кўриб чиқмаяпти.

«На «Арсенал», на бошқа бирор клуб Альварес учун вариант ҳисобланади», — дея таъкидланган футболчига яқин манбаларга таяниб берилган хабарда.

Сўнгги кунлардаги бошқа хабарлар ҳам Альвареснинг устувор мақсади «Барселона» эканини тасдиқламоқда. Шу билан бирга, «Атлетико»нинг позицияси қатъий — мадридликлар ҳужумчини тўғридан-тўғри рақобатчисига сотишни истамаяпти.

«Барселона» эса трансфердан ҳали тўлиқ воз кечмаган. Каталония клуби яқин кунларда келишувга эришиш имконияти бор-йўқлигини аниқлашни режалаштирган. Альвареснинг «Атлетико» билан шартномаси 2030 йил ёзигача амал қилади.

Агар клублар ўртасида келишувга эришилмаса, аргентиналик ҳужумчи 2026/27 йилги мавсумни «Атлетико» сафида ўтказиши кутилмоқда.