«Лидс» «Челси» ярим ҳимоячиси Михаил Мудрикни ўз сафига қўшиб олиш имкониятини кўриб чиқмоқда.

Инсайдер Бен Жейкобснинг маълумотига кўра, клуб 25 ёшли украиналик футболчини ижарага олишга қизиқиш билдирган. Мудрик «Лидс» кўриб чиқаётган бир нечта номзодлар рўйхатидан жой олган.

Ҳозирча клублар ўртасидаги музокаралар жиддий босқичга ўтмаган ва эҳтимолий келишув шартлари бўйича якуний қарор қабул қилинмаган.

Мудрик 2023 йил январидан буён «Челси»га тегишли. Лондонликлар уни Донецкнинг «Шахтёр» клубидан харид қилганди. Украина терма жамоаси футболчиси «Челси» сафида жами 73 та учрашувда майдонга тушиб, 10 та гол урган ва 11 та голли узатмани амалга оширган.