«Ливерпуль» бош мураббийи Андони Ираола 2026/27 йилги мавсум олдидан жамоанинг сардорлар гуруҳини тасдиқлади.
Асосий сардорлик вазифаси Виржил ван Дейкда қолади. Алиссон Беккер, Жо Гомес ва Доминик Собослаи эса вице-сардор этиб тайинланди. Бу маълумотни «Ливерпуль» расмий сайти ҳам тасдиқлади.
«Биз қарор қабул қилдик. Сардор — ван Дейк, вице-сардорлар эса Алиссон, Жо Гомес ва Доминик Собослаи бўлади. Аммо Алиссонга сардорлик боғичини тақиши қийин бўлишини тушунтирдим. Янги қоидаларга кўра, дарвозабон сардор бўлса, муайян чекловлар юзага келади. Масалан, рақиб жарима майдонида вазият юз берса, ҳакам қарорини сардорга тушунтириши керак», — деди Ираола.
Шу сабабли Алиссон етакчилар гуруҳида қолса-да, ўйинлар давомида сардорлик боғичини тақмаслиги кутилмоқда.
«Ливерпуль» янги Премьер-лига мавсумини 23 август куни «Ньюкасл»га қарши сафар учрашуви билан бошлайди.
