«Liverpul» bosh murabbiyi Andoni Iraola 2026/27 yilgi mavsum oldidan jamoaning sardorlar guruhini tasdiqladi.

Asosiy sardorlik vazifasi Virjil van Deykda qoladi. Alisson Bekker, Jo Gomes va Dominik Soboslai esa vise-sardor etib tayinlandi. Bu ma’lumotni «Liverpul» rasmiy sayti ham tasdiqladi.

«Biz qaror qabul qildik. Sardor — van Deyk, vise-sardorlar esa Alisson, Jo Gomes va Dominik Soboslai bo‘ladi. Ammo Alissonga sardorlik bog‘ichini taqishi qiyin bo‘lishini tushuntirdim. Yangi qoidalarga ko‘ra, darvozabon sardor bo‘lsa, muayyan cheklovlar yuzaga keladi. Masalan, raqib jarima maydonida vaziyat yuz bersa, hakam qarorini sardorga tushuntirishi kerak», — dedi Iraola.

Shu sababli Alisson yetakchilar guruhida qolsa-da, o‘yinlar davomida sardorlik bog‘ichini taqmasligi kutilmoqda.

«Liverpul» yangi Premyer-liga mavsumini 23 avgust kuni «Nyukasl»ga qarshi safar uchrashuvi bilan boshlaydi.