«Шахтёр» 2026/27 йилги мавсумда Чемпионлар лигасидаги уй учрашувларини Лондондаги «Стэмфорд Бриж» стадионида ўтказади. Бу ҳақда «Челси» расмий сайтида маълум қилинди.
Украинадаги вазият туфайли Донецк клуби халқаро мусобақалардаги уй ўйинларини мамлакат ташқарисида ўтказишда давом этмоқда. Янги мавсумда «Шахтёр» учун «Челси»нинг уй стадиони вақтинчалик майдон вазифасини бажаради.
«Яқин ҳафталарда «Шахтёр» билан яқин ҳамкорликда ишлаб, уларнинг жамоаси ва мухлислари учун учрашувларни хавфсиз ўтказишни таъминлаймиз», — дейилади «Челси» баёнотида.
«Шахтёр» Чемпионлар лигасининг умумий босқичида жами саккизта ўйин ўтказади. Шулардан тўрттаси «Стэмфорд Бриж»да бўлиб ўтади.
«Челси» эса 2026/27 йилги мавсумда еврокубокларда иштирок этмайди. Лондонликлар ўтган мавсум Англия Премьер-лигасини 10-ўринда якунлаган.
