Ўзбекистон U-17 терма жамоаси Республика футбол академияси жамоасига қарши назорат учрашувини ўтказди. Баҳс ёш футболчиларимизнинг 2:0 ҳисобидаги ғалабаси билан якунланди.

Учрашувда ҳисоб 4-дақиқадаёқ очилди. Амирхон Эркинов рақиб дарвозасини ишғол қилиб, Ўзбекистон U-17 терма жамоасини олдинга олиб чиқди.

Иккинчи гол 74-дақиқада қайд этилди. Захирадан майдонга тушган Садриддин Хайруллаев рақиб дарвозасини ишғол қилиб, якуний ҳисобни ўрнатди — 2:0.

Ўзбекистон U-17 бошланғич таркиби: Олим Шомуродов, Элсевар Олимов, Миржамол Анваров (с), Абубакир Раҳимов, Адиз Абдунабиев, Соғинч Марупов, Амирхон Эркинов, Муҳаммаджон Маматов, Жаҳонгирмирзо Ўктамбоев, Муҳаммадодилхон Орифхонов, Лазиз Абдураимов.

Захирадан майдонга тушганлар: Меҳрож Сирожиддинов, Машхурбек Абдисолиев, Рустам Тоиров, Нурмуҳаммад Ўктамов, Мироншоҳ Эшпўлатов, Садриддин Хайруллаев, Миркомил Муродов, Ҳумоюн Синдаров, Хабибуллоҳ Тоҳиров, Озодбек Толибжонов, Зиёдулла Саломов.

Голлар: Амирхон Эркинов (4), Садриддин Хайруллаев (74).