Англия Премьер-лигасига қайтгач, илк ўйинда йирик ҳисобда мағлуб бўлганига қарамай, «Ковентри Сити» сардори Мэтт Гримс мавсум биринчи баҳсда кўринганидан кўра муваффақиятлироқ кечишига ишонч билдирди.
«Бизнинг бутун мавсумимиз шундай майдонларга келиб, мағлубиятга учраш билан белгиланиб қолмайди — бу ерда бундай рақибларга қарши ўйнаш ҳамиша оғир вазифа бўлиб келган», — дея Гримснинг сўзларини келтиради BBC Sport.
Эслатиб ўтамиз, «Ковентри» чорак аср давомида Англия футболининг юқори дивизионида иштирок этмаган эди. Чемпионатнинг кейинги турида жамоа элитага қайтган бошқа бир клуб — «Халл Сити»ни ўз майдонида қабул қилади. Ушбу учрашув 29 август куни бўлиб ўтади.
