Аргентиналик ҳужумчи Анхель ди Мария «Росарио Сентраль»нинг Кубок Либертадорес мусобақасидан чиқиб кетганидан қаттиқ хафа бўлди. Жамоа 1/8 финал босқичида Бразилиянинг «Коринтианс» клубига имкониятни бой бериб, турнир билан хайрлашди. Ди Мария ушбу мағлубиятдан сўнг ҳатто фаолиятини якунлаш ҳақида ҳам ўйлай бошлади.

«Бу жуда оғир лаҳза, жуда оғир дақиқалар, чунки мен бошқача натижани — мусобақада давом этишни орзу қилгандим, аммо футбол шунақа. Энди мен ўйлаб кўришим ва бундан буён нима билан шуғулланишни хоҳлашимни ҳал қилишим керак», — дея ди Мариянинг сўзларини derbyderbyderby.it келтиради.

Эслатиб ўтамиз, тажрибали футболчи илгари «Реал Мадрид», «Манчестер Юнайтед» ва «ПСЖ» сингари Европанинг гранд клублари шарафини ҳимоя қилган.