«Арсенал»ни бошқариб келаётган испаниялик мутахассис Микель Артета Англия Премьер-лигасида 250 тадан кам ўйинда 150 та ғалабани қўлга киритган бешинчи мураббийга айланди. Ушбу натижага эришиш учун унга атиги 249 та учрашув кифоя қилди. Жамоа АПЛнинг 1-турида «Ковентри Сити»ни йирик 3:0 ҳисобида мағлубиятга учратди. Бу ҳақда Squawka маълумотларида келтирилган.
Солиштириш учун, АПЛда 150 та ғалабалик довонни энг тез забт этган мураббийлар:
-
Хосеп Гвардиола («Манчестер Сити») — 204 та ўйинда;
-
Жозе Моуриньо («Челси», «Манчестер Юнайтед», «Тоттенхэм») — 231 та ўйинда;
-
Юрген Клопп («Ливерпуль») — 237 та ўйинда;
-
Алекс Фергюсон («Манчестер Юнайтед») — 247 та ўйинда;
-
Микель Артета («Арсенал») — 249 та ўйинда.
Микель Артета «Арсенал»ни 2019 йилнинг декабридан бери бошқариб келмоқда. Унинг қўл остида жамоа 2025/2026 йилги мавсумда Англия чемпионлигини қўлга киритди.
