Англиялик машҳур собиқ футболчи Иан Райт «Арсенал»нинг Габриэл Мартинеллига муносабатини танқид қилди.
Бразилиялик футболчи сўнгги пайтларда «канонирлар» таркибига киритилмаяпти. Вингер «Манчестер Сити»га қарши Суперкубок учрашувида ҳам, АПЛнинг биринчи турида «Ковентри»га қарши баҳсда ҳам қайдномадан жой олмади.
Лондон клуби футболчини ўз хоҳишига қарши сотмоқчи, чунки у яна бир йилдан сўнг жамоани эркин агент сифатида тарк этиши мумкин.
«Мартинеллига «Арсенал»да қандай муносабатда бўлинаётгани мени ташвишга солмоқда. Биламанки, у билан ҳеч ким гаплашмаган ва у нима бўлаётганини тушунмаяпти.
У клуб учун етарлича меҳнат қилди ва унга ҳурмат билан муносабатда бўлишга ҳақли. Умид қиламанки, Габи учун барчаси энг яхши тарзда ҳал бўлади», — деди Райт.
