Angliyalik mashhur sobiq futbolchi Ian Rayt «Arsenal»ning Gabriel Martinelliga munosabatini tanqid qildi.
Braziliyalik futbolchi so‘nggi paytlarda «kanonirlar» tarkibiga kiritilmayapti. Vinger «Manchester Siti»ga qarshi Superkubok uchrashuvida ham, APLning birinchi turida «Koventri»ga qarshi bahsda ham qaydnomadan joy olmadi.
London klubi futbolchini o‘z xohishiga qarshi sotmoqchi, chunki u yana bir yildan so‘ng jamoani erkin agent sifatida tark etishi mumkin.
«Martinelliga «Arsenal»da qanday munosabatda bo‘linayotgani meni tashvishga solmoqda. Bilamanki, u bilan hech kim gaplashmagan va u nima bo‘layotganini tushunmayapti.
U klub uchun yetarlicha mehnat qildi va unga hurmat bilan munosabatda bo‘lishga haqli. Umid qilamanki, Gabi uchun barchasi eng yaxshi tarzda hal bo‘ladi», — dedi Rayt.
