«Манчестер Юнайтед» ва Англия терма жамоасининг собиқ ҳужумчиси Уэйн Руни фаолияти давомида икки марта синган бурундаги нуқсонни тузатиш учун жарроҳлик амалиёти ўтказганини айтди.
40 ёшли англиялик футболчи фаолияти давомида буруни икки марта сингани сабабли операция зарур бўлганини маълум қилди. Руни бу ҳақда операциядан бир ҳафта ўтиб, Марк Голдбридж билан Stick to United подкастида суҳбатлашди.
«Кўзларим остида кўкаришлар пайдо бўлмаганидан жуда хурсандман. Аммо ҳали ҳам бурунимда иккита пластик найча бор, уларни тез орада олиб ташлашади», — деди Уэйн.
