Тошкент шаҳридаги «Бунёдкор» футбол академияси майдонларида Ўзбекистон Республикаси Давлат хавфсизлик хизмати кубоги доирасида аёллар ва ўғил болалар ўртасида мини-футбол мусобақаларининг ҳал қилувчи учрашувлари ўтказилади.

Аёллар ўртасида кеча, 21 август куни ярим финал баҳслари бўлиб ўтди. Унда Андижон вилояти ва Тошкент вилояти жамоалари 0:0 ҳисобида дуранг ўйнади. Пенальтилар сериясида Тошкент вилояти вакиллари 3:2 ҳисобида ғалаба қозониб, финалга йўл олди.
Иккинчи ярим финалда Самарқанд вилояти Тошкент шаҳри жамоасини 2:0 ҳисобида мағлуб этди.
Бугун аёллар ўртасида учинчи ўрин учун баҳс ва финал учрашуви ўтказилади.
3-ўрин учун:
Андижон вилояти – Тошкент шаҳри
Финал:
Тошкент вилояти – Самарқанд вилояти
Ўғил болалар ўртасидаги мусобақада ҳам ярим финал учрашувлари якунланди. Унда Қорақалпоғистон Республикаси Қашқадарё вилоятига 0:1 ҳисобида имкониятни бой берди. Тошкент шаҳри эса Наманган вилоятини 2:1 ҳисобида мағлуб этиб, финал йўлланмасини қўлга киритди.
Энди мазкур жамоалар ўртасида ҳам ғолиб ва совриндорлар бугунги ҳал қилувчи баҳслардан сўнг аниқланади.
3-ўрин учун:
Қорақалпоғистон Республикаси – Наманган вилояти
Финал:
Қашқадарё вилояти – Тошкент шаҳри.