"Лидс" "Милан" ҳужумчиси Рафаэл Леауни қўлга киритиш имкониятини кўриб чиқмоқда.
Хабарларга кўра, 27 ёшли португалиялик футболчининг вакиллари уни ёзги трансфер ойнасида бир қатор АПЛ клубларига, жумладан "Лидс"га ҳам таклиф қилган. "Милан" ҳам муносиб таклиф тушса, Леауни сотишга тайёр.
Италия матбуоти маълумотларига кўра, "россонерилар" футболчи учун тахминан 50-60 млн евро атрофида маблағ талаб қилмоқда. Шу билан бирга, "Милан" ижара вариантини маъқул кўрмаяпти ва тўлиқ трансферни истамоқда.
Леау 2019 йилдан буён "Милан" шарафини ҳимоя қилиб келади. У жамоа сафида барча мусобақаларда 290 дан ортиқ ўйин ўтказиб, 80 та гол урган.
