"Комо" "Фиорентина" ҳужумчиси Мойзе Кинни қўлга киритиш ҳаракатларини давом эттирмоқда.
Инсайдер Николо Скира маълумотига кўра, Сеск Фабрегас жамоаси 26 ёшли италиялик футболчи учун 40 млн евро атрофида янги таклиф тайёрламоқда. "Комо" ушбу сумма флоренцияликларни трансферга рози қилишидан умидвор.
Аввалроқ "Фиорентина" Кинни 5 млн еврога ижарага олиш ва кейинчалик 25 млн еврога мажбурий сотиб олишни назарда тутган таклифни рад этганди.
Айни пайтда футболчининг агенти Алессандро Луччи ҳам икки клуб ўртасидаги музокараларда фаол иштирок этмоқда ва томонларнинг позицияларини яқинлаштиришга ҳаракат қилмоқда.
Кин "Фиорентина"га 2024 йилда "Ювентус"дан ўтган. Transfermarkt унинг ҳозирги бозор қийматини 40 млн евро атрофида баҳоламоқда. Ўтган мавсумда ҳужумчи 33 та ўйинда майдонга тушиб, 9 та гол ва 1 та ассист қайд этган.
