Эзри Конса «Астон Вилла»дан 55 миллион фунт эвазига «Арсенал»га ўтганида, трансфердан нафақат «канонирлар» мухлислари, балки жамоа футболчиларидан бири ҳам алоҳида хурсанд бўлди.
Бу ёзда Жаҳон чемпионатида Англия терма жамоаси сафида қарийб олти ҳафта бирга бўлган Консанинг яқин дўсти Букайо Сака ҳам янги шеригининг трансферидан мамнун.
Сака «Ковентри Сити»га қарши ўйинда гол урганидан сўнг шундай деди:
«У билан муносабатларимизни қандай таърифлашни билмайман. Англия терма жамоасида танишганимиздан бери муносабатларимиз жуда яхши. У билан тезда тил топишиб кетдик.
Унинг бу ерга келганидан жуда хурсандман. Унинг юқори даражада ўзини намоён этишини кўришни интиқлик билан кутяпман», — деди Сака.
