«Реал» ярим ҳимоячиси Арда Гюлер 2026/27-йилги мавсумни асосий таркибдаги ўрни борасида кучли рақобат шароитида бошлайди. Туркиялик футболчи 2025/26-йилги мавсумда яхши ўйин кўрсатиб, мавсумолди тайёргарлик жараёнида ҳам мураббийлар штабида ижобий таассурот қолдирди.

Жозе Моуриньонинг 4-2-3-1 схемасида «ўнлик» позициясида Жуд Беллингем асосий номзод сифатида кўрилмоқда. Бу эса Гюлернинг бошланғич таркибдаги ўрнини кафолатламайди.

Шунга қарамай, The Athletic журналисти Марио Кортегана маълумотига кўра, «Реал» раҳбарияти ҳам, Моуриньо ҳам 21 ёшли футболчининг салоҳиятига тўлиқ ишонади. Мадридликлар Гюлерни клубнинг узоқ муддатли келажагида муҳим ўрин тутадиган футболчилардан бири сифатида кўрмоқда.

Моуриньо ҳам яқинда Гюлернинг имкониятларини юқори баҳолаб, келажакда уни майдон марказида чуқурроқ позицияда ўйнайдиган футболчи сифатида ривожлантириш мумкинлигини таъкидлаган.