«Сўғдиёна» - «Локомотив» учрашуви якунлангач, ташкил этилган матбуот анжуманида дастлаб темирйўлчилар бош мураббийи журналистларнинг саволларига жавоб берди.

— Биринчидан, майдон ҳолати анча ёмон. Шунинг учун дастлабки 15-20 дақиқа давомида майдонга мослашишимизга тўғри келди. Ўйин бошида мезбонлар устунликни ўз қўлларида ушлаб туришди. Маҳорат бобида шогирдларим устунлиги барибир ўз сўзини айтди.

— Бугунсиз кўпроқ ҳисобдан қониқдингизми ёки шогирдларингиз кўрсатган ўйиндан?
— Ҳисобдан тўлиқ қониқдим. Бироқ, бизнинг футболчилар кўрсатган ўйинга эътирозларим жуда кўп. Бугунги учрашувнинг видеолавҳасини яхшилаб таҳлил қилиб, камчиликларимизни бартараф этишга ҳаракат қиламиз.

— Рақиб ҳақида қандай фикрдасиз?
— Жиззахликлар бугун сўнгги дақиқагача курашишди. Кўплаб имкониятлар бўлди уларда ҳам. Бугун улар яхши ўйин кўрсатишди. Лекин ўз ўрнида ҳатоларга ҳам йўл қўйишди.