«Манчестер Юнайтед» Премьер-лигада янги мавсумни омадсиз бошлади. Майкл Кэррик шогирдлари сафарда «Халл Сити»га 0:2 ҳисобида мағлуб бўлди.

Учрашувдан сўнг ижтимоий тармоқларда мухлислар яна «Манчестер Юнайтед» ҳимоячиси Харри Магуайр устидан ҳазил қила бошлади.

Бунга «қизил иблислар» дарвозасига урилган биринчи гол вақтидаги вазият сабаб бўлди.

Кадрда Магуайр ўз жарима майдонида рақиб футболчисини эмас, балки жамоадошини қўллари билан ушлаб тургани кўринади.

Аввалроқ Магуайр майдондаги турли ҳаракатлари туфайли бир неча бор мухлислар ҳазили ва танқидига сабаб бўлган.

Бироқ ўтган мавсумда футболчининг ўйини ижобий баҳоланди — у ўз манзилига айтилган танқидларга жавобан майдондаги ҳаракатларини анча яхшилашга муваффақ бўлди.

«Юнайтед»нинг АПЛдаги кейинги рақиби «Ипсвич» бўлади. Учрашув 30 август куни ўтказилади.