«Манчестер Юнайтед» Англия Премьер-лигасининг янги мавсумини кутилмаган мағлубият билан бошлади. Майкл Кэррик шогирдлари 1-турда АПЛга қайтган «Халл Сити» майдонида 0:2 ҳисобида имкониятни бой берди.

Бу натижа «Манчестер Юнайтед» тарихида антирекорд бўлди. Манкунианликлар Англия юқори дивизионидаги барча иштироклари давомида илк бор мавсумнинг биринчи учрашувида элитага янги чиққан жамоага мағлуб бўлди.

Қизиғи, «қизил иблислар» кейинги турда яна бир АПЛга қайтган клуб билан тўқнаш келади. 30 август куни «Манчестер Юнайтед» ўз майдонида «Ипсвич»ни қабул қилади.

Эслатиб ўтамиз, «Манчестер Юнайтед» ўтган мавсум АПЛ турнир жадвалида учинчи ўринни эгаллаган эди.