Массимилиано Аллегри «Милан» билан ёқимсиз тарзда хайрлашганига қарамай, собиқ клубидан хафа эмас. Мутахассис «россонерилар»ни А Сериянинг янги мавсумида чемпионлик учун асосий даъвогарлардан бири деб ҳисобламоқда.

Аллегрининг ўзи айни пайтда Италия вице-чемпиони «Наполи»ни бошқармоқда.

«Фаворит? Албатта, «Интер». Уларнинг чемпионлик унвони аллақачон чўнтагида. Аммо чемпионлик учун курашиши мумкин бўлган яна камида еттита жамоани айтишим мумкин: «Наполи», «Милан», «Рома», «Комо», «Аталанта», «Фиорентина» ва «Ювентус»», — дея Аллегрининг сўзларини pianetamilan.it келтирди.

Эслатиб ўтамиз, «Милан» сўнгги марта 2022 йилда Италия чемпиони бўлган.