Нидерландиянинг НЕК клуби ўтган мавсумда муваффақиятли иштирок этган бўлса-да, янги мавсумни у қадар яхши бошлай олмади. Жамоа чоршанба куни Норвегиянинг «Будё-Глимт» клубига мағлуб бўлиб, Чемпионлар лигасининг кейинги босқичига чиқиш имкониятини анча қийинлаштириб қўйди.

Шунга қарамай, НЕК мазкур баҳсда гол урди ва клуб тарихидаги энг яхши натижани такрорлади.

Нидерландия жамоаси барча мусобақаларни ҳисобга олганда, кетма-кет 42 та уй учрашувида рақиб дарвозасини ишғол қилди. Бу клуб тарихидаги энг узоқ голли сериянинг такрорланиши бўлди.

НЕК аввал бундай натижани 1961–1964 йиллар оралиғида қайд этганди.

Эслатиб ўтамиз, НЕК шанба куни мамлакат чемпионати доирасида «Эксельсиор»га қарши ўйнаши керак эди, аммо учрашув бекор қилинди.