Симоне Индзаги ўтмишда Римнинг «Лацио» клуби сафида тўп тепган ва жамоани бошқарган. Шу сабабли у клубдаги вазиятни катта эътибор билан кузатиб бормоқда.

Мутахассис «Лацио» мухлисларининг клуб раҳбариятига қарши норозилик намойишлари юрагини оғритаётганини билдирди.

«Жуда чуқур қайғуни ҳис қиляпман. Чидаш қийин бўлган бу вазиятдан тез орада чиқиб кетишимизга умид қиламан.

Стадионга бормаётган мухлислар бу ҳолатдан ҳаммадан кўпроқ азият чекмоқда. Мен бу муҳитни жуда яхши биламан. «Лацио»га 23 ёшимда келганман ва у ерда 22 йилни ўтказганман», — дея Симоне Индзагининг сўзларини cittaceleste.it келтирди.

«Лацио» сўнгги марта 2000 йилда Италия чемпиони бўлган. Ўша пайтда Симоне Индзаги клуб футболчиси эди.