Мадриднинг «Реал» клуби янги ҳужумчиси Карлос Эспининг голи эвазига Ла Лига доирасида «Эспаньол»ни 2:1 ҳисобида мағлуб этди.
21 ёшли футболчи 80-дақиқада Жуд Беллингем ўрнига захирадан майдонга тушди. У 90-дақиқада ҳал қилувчи голни киритди. Бу испаниялик ҳужумчининг «қаймоқранглилар» сафидаги илк расмий учрашуви эди.
«Тўп мен томонга қайтиб келганини кўргач, ўзимга бу имкониятни қўлдан бой бермаслигим кераклигини айтдим. Гол ура олганимдан жуда хурсандман.
Кейин ортимга ўгирилиб, бутун жамоа голни қандай нишонлаётганини кўрдим. Бу ақлбовар қилмас ҳолат эди. Мен дунёдаги энг бахтли инсонман», — дея Эспининг сўзларини Madrid Universal келтирди.
«Реал» Карлос Эспини июль ойи охирида «Леванте»дан 25 миллион евро эвазига сотиб олганди.
