«Манчестер Сити» бош мураббийи Энцо Мареска ярим ҳимоячи Родрининг жамоадан кетишига муносабат билдирди.

«Бу муаммони қандай ҳал қиламиз? Янги Родрини топишга ҳаракат қиламиз. Вазият шундай.

Родри бу ерга келгунига қадар унда «Олтин тўп», Чемпионлар лигаси ва клублар ўртасидаги жаҳон чемпионати совринлари йўқ эди. У жамоамизга келиб, кўплаб муҳим ютуқларга эришди.

Етакчи футболчилар кетганида, уларнинг муносиб ўринбосарини топа билиш керак. Бундай ҳолатлар бир-бирига ўхшайди. Бу оддий жараён — ўзгариш, муаммо эмас. Энди яна ҳаракат қилиб, барчасини тўғри амалга оширишимиз керак», — дея италиялик мутахассиснинг сўзларини BBC келтирди.

30 ёшли испаниялик футболчи «Барселона»га ўтди. У Каталония клуби билан 2030 йил ёзигача мўлжалланган шартнома имзолади.

Родри 2019 йил ёзидан буён «Манчестер Сити» шарафини ҳимоя қилиб келаётганди. У жамоа сафида жами 298 та учрашув ўтказиб, 28 та гол урди ва 32 та голли узатмани амалга оширди.