"Тоттенхэм" бош мураббийи Роберто Де Дзерби Англия Премьер-лигасининг биринчи турида "Брентфорд"дан 0:3 ҳисобида учралган мағлубиятдан сўнг жамоанинг ҳозирги ҳолати ҳақида фикр билдирди.
"Шпорлар" ёзги трансфер ойнасида таркибини сезиларли даражада кучайтирди, аммо бу янги мавсумнинг дастлабки учрашувида ижобий натижа қайд этиш учун етарли бўлмади.
"Мен буни "Хоффенхайм"га қарши ўйиндан кейин тушундим — биз ҳали керакли даражага етиб бормаганмиз. Биз чемпионат стартига кеч қолдик", — дея Де Дзербининг сўзларини келтиради журналист Фабрицио Романо.
Эслатиб ўтамиз, "Тоттенхэм" ўтган мавсумда Премьер-лигадан тушиб кетишга яқин келган, аммо якунда 17-ўринни эгаллаб, элита дивизионидаги ўрнини сақлаб қолган.
Италиялик мутахассис жорий йилнинг март ойи охирида "Тоттенхэм" бош мураббийи лавозимини эгаллаган.
