"Tottenxem" bosh murabbiyi Roberto De Dzerbi Angliya Premyer-ligasining birinchi turida "Brentford"dan 0:3 hisobida uchralgan mag‘lubiyatdan so‘ng jamoaning hozirgi holati haqida fikr bildirdi.
"Shporlar" yozgi transfer oynasida tarkibini sezilarli darajada kuchaytirdi, ammo bu yangi mavsumning dastlabki uchrashuvida ijobiy natija qayd etish uchun yetarli bo‘lmadi.
"Men buni "Xoffenxaym"ga qarshi o‘yindan keyin tushundim — biz hali kerakli darajaga yetib bormaganmiz. Biz chempionat startiga kech qoldik", — deya De Dzerbining so‘zlarini keltiradi jurnalist Fabrisio Romano.
Eslatib o‘tamiz, "Tottenxem" o‘tgan mavsumda Premyer-ligadan tushib ketishga yaqin kelgan, ammo yakunda 17-o‘rinni egallab, elita divizionidagi o‘rnini saqlab qolgan.
Italiyalik mutaxassis joriy yilning mart oyi oxirida "Tottenxem" bosh murabbiyi lavozimini egallagan.
