«Бавария» ҳужумчиси Харри Кейн футболчилик фаолиятидаги бешинчи совринини қўлга киритди.

33 ёшли англиялик футболчи «Бавария» билан Германия Суперкубоги ғолибига айланди. Мюнхенликлар ҳал қилувчи баҳсда Дортмунднинг «Боруссия» клубини 2:1 ҳисобида мағлуб этди.

Бу Кейн учун фаолиятидаги иккинчи Германия Суперкубоги бўлди. Шунингдек, у «Бавария» сафида икки марта Бундеслигада чемпионликни қўлга киритган ва бир бор Германия кубогида зафар қучган.

Шу тариқа, англиялик ҳужумчининг фаолиятидаги совринлари сони бештага етди. У барча совринларини «Бавария» сафида қўлга киритган. Бунга қадар Кейн бошқа клублар ҳамда Англия терма жамоаси билан бирор марта чемпионлик совриғини ютмаган.