«Барселона» ҳимоя чизиғини кучайтириш мақсадида Лиссабоннинг «Спортинг» клуби марказий ҳимоячиси Гонсалу Инасиуни ўз сафига қўшиб олиш имкониятини кўриб чиқмоқда.
Фабрицио Романо испаниялик Sport нашри маълумотларига таяниб хабар беришича, каталонияликлар 24 ёшли португалиялик футболчининг эҳтимолий трансфери юзасидан «Спортинг» билан музокара олиб бормоқда. Инасиу аввал ҳам Европанинг бир қатор топ-клублари, жумладан «Барселона» билан боғланган.
Эътиборлиси, Инасиу шанба куни «Спортинг»нинг «Алверка»га қарши учрашувида майдонга тушмади ва 90 дақиқани захира ўриндиғида ўтказди. Бу ҳолат футболчининг келажаги бўйича музокаралар кетаётгани билан боғлиқ бўлиши мумкин.
Transfermarkt портали Гонсалу Инасиунинг бозор қийматини 40 миллион еврога баҳоламоқда.
Инасиу жорий ёзда Португалия терма жамоаси билан ЖЧ-2026да иштирок этди. Бироқ ҳимоячи мусобақа давомида бирор марта майдонга тушмади.
