"Ювентус" бош мураббийи Лучано Спаллетти Италия чемпионати 1-турида "Фрозиноне"га қарши ўтказилган учрашувни сарҳисоб қилди. Ўйин "кекса синьора"нинг 1:0 ҳисобидаги ғалабаси билан якунланди.
"Жамоа ўзига хос ўйин услубига эга эканини кўрсатишини истардим. У буни намойиш қилди, аммо айрим вазиятларда жуда бўш ҳаракат қиляпмиз ва бизга керакли қатъият етишмаяпти. Бунинг устида ишлаш керак", — дея мураббийнинг сўзларини келтиради журналист Жанлука Ди Марцио сайти.
"Фрозиноне" — кучли жамоа. Уларнинг мураббийи футболчиларга ҳар қандай рақибга қарши дадил бориш кераклигига ишонч берган. Улар учун ўйинни назорат қилишдан кўра гол уриш осонроқ, чунки улар шахсий қўриқлаш асосида ўйнайди. Агар қўриқлашдан чиқиб кета олсанг, эркинлик пайдо бўлади. Ҳаммаси сен эркин бўлишни хоҳлайсанми ёки асир бўлишними — шунга боғлиқ. Биз эса баъзан эркин бўлганимизда ҳам асир бўлишни хоҳлаймиз".
"Янги ҳужумчи? Бошқача хусусиятларга эга кимдир. Бугун бўш ҳудудлар ҳатто жуда кўп эди, аммо биз улардан фойдалана олмадик. Агар рақиблар ёпиқ ўйнаса, бош билан гол уриш осонроқ".
Спаллетти жамоаси кейинги учрашувини 29 август куни "Парма"га қарши ўтказади.
