«Милан»нинг янги футболчиси Альфаджо Сиссе жамоа сафидаги илк расмий учрашувидаёқ гол уришга муваффақ бўлди. 19 ёшли футболчи А Сериянинг «Торино»га қарши баҳсида ҳисобни очди ва жамоасининг 2:1 ҳисобидаги ғалабасига ҳисса қўшди.
Учрашувдан сўнг Сиссе «Милан»даги фаолиятини бундай бошлашни ҳатто тасаввур ҳам қилмаганини таъкидлади.
«Бундай оқшомни бошдан кечириш — таърифлаб бўлмас туйғу. Ҳатто энг катта орзуларимда ҳам «Милан» либосидаги дебютимда гол уришимни тасаввур қилмаган эдим. Бу голдан жуда хурсандман, аммо ҳозир барча фикрим жума куниги ўйинга қаратилган», — деди Сиссе.
