«Барселона» ҳимоячиси Алехандро Бальде клубдаги келажаги борасида илк бор жиддий ўйлай бошлади. COPE нашри тарқатган маълумотларга кўра, 22 ёшли футболчи бош мураббий Ханси Фликнинг қарорларидан сўнг жамоадаги ўз ўрни ва истиқболи бўйича ноаниқликдан ташвишга тушган.
Бальде Ла Лиганинг 2-тури доирасида «Эльче»га қарши ўтказилган ва каталонияликларнинг 5:0 ҳисобидаги йирик ғалабаси билан якунланган учрашув қайдномасига киритилмади. Футболчига яқин манбалар бу ҳолатни унинг жамоани тарк этиши мумкинлигидан дарак берувчи сигнал сифатида баҳоламоқда.
Ҳимоячига аллақачон бошқа клублардан таклифлар келиб тушган бўлиб, улар орасида энг аниқ қизиқишни «Манчестер Юнайтед» кўрсатмоқда. Бироқ Бальде «Барселона» раҳбарияти ва мураббийлар штаби билан гаплашиб, вазиятга ойдинлик киритмагунича трансфер бўйича ҳеч қандай қарорга келмасликни ният қилган. Ҳозирча у машғулотларни оддий режимда давом эттирмоқда.
