ФИФА президенти Жанни Инфантино жаҳон футболида кучли мамлакатлар ва қолган терма жамоалар ўртасидаги фарқни камайтириш зарурлиги ҳақида гапирди. У ФИФАнинг вазифаси барча 211 аъзо ассоциацияда футболни ривожлантириш эканини таъкидлади.
«Афсуски, айримларга бошқаларнинг ривожланиши керак эмас ва улар буни истамайди. Аммо биз жуда катта футбол мамлакатлари билан қолганлар ўртасидаги фарқни қисқартиришимиз шарт.
Қолган мамлакатлар учун инвестициялар, имкониятлар ва ресурслар топишимиз керак. Биз сўнгги ўн йил давомида шунинг устида ишладик ва келажакда ҳам бу ишни давом эттирамиз», — деди Инфантино.
ФИФА раҳбари айни пайтда кичик ва молиявий имкониятлари чекланган футбол ассоциацияларини қўллаб-қувватлашни ўз сиёсатининг асосий йўналишларидан бири сифатида кўрсатмоқда.
