"Астон Вилла" ҳужумчиси Олли Уоткинс жамоа машғулотларига қайтди ва "Брайтон"га қарши ўйинни ўтказиб юборгани учун жамоадошларидан узр сўради.
30 ёшли англиялик футболчи АПЛ 1-туридан ўрин олган "Брайтон"га қарши баҳсда "Астон Вилла" қайдномасига киритилмаганди. Учрашув бирмингемликларнинг 0:4 ҳисобидаги мағлубияти билан якунланди.
The Athletic маълумотига кўра, Уоткинс мавсумдаги илк ўйинга қадар жамоа билан машғулотларда иштирок этмаган ва Саудия Арабистонининг "Ал-Ҳилол" клубига ўтиш истагини билдирган. Саудия клуби ҳужумчини сотиб олиш учун тўрт марта таклиф юборган.
Бироқ душанба куни Уоткинс "Астон Вилла" машғулотларига қайтди ва ўтказиб юборган учрашуви учун жамоадошларидан узр сўради.
Ҳозирча футболчининг жамоада қолиши аниқ эмас. "Астон Вилла" Уоткинсни сақлаб қолиш ниятида ва унга 2030 йилгача мўлжалланган янги шартнома таклиф қилмоқда.
