Бугун, 25 август куни Ўзбекистон Суперлигасининг 19-тури доирасида Самарқанднинг «Динамо» клуби ўз майдонида Тошкентнинг «Пахтакор» жамоасини қабул қилади. Учрашув «Динамо» стадионида соат 20:00 да бошланади.

Статистикага кўра, жамоалар шу кунга қадар ўзаро 55 марта тўқнаш келган. Ушбу баҳсларнинг 41 тасида «Пахтакор» ғалаба қозонган бўлса, «Динамо» 7 марта зафар қучган. Яна 7 та учрашувда дуранг қайд этилган.

Тўплар нисбатида ҳам пойтахтликларнинг катта устунлиги бор. «Пахтакор» ўзаро баҳсларда 113 та гол урган, «Динамо» эса рақиб дарвозасини 33 марта ишғол қилган.

Қарама-қаршилик тарихида «Динамо»нинг энг йирик ғалабаси 2:0 ҳисобида қайд этилган. «Пахтакор» эса самарқандликлар устидан 6:0 ҳисобидаги ғалабага эришган.

Жамоаларнинг энг сўнгги учрашуви жорий мавсумнинг биринчи даврасида бўлиб ўтган. 18 апр куни «Пахтакор» ўз майдонида «Динамо»ни 4:2 ҳисобида мағлуб этган.