Бельгиялик ҳужумчи Малик Фофана фаолиятини Италия чемпионатида давом эттириши мумкин, унга «Рома» клуби қизиқиш билдирмоқда. Бу ҳақда таниқли инсайдер Фабрицио Романо ўзининг ижтимоий тармоқдаги саҳифаларида маълум қилди.

Футболчи ва римликлар ўртасидаги келишув шартлари ўтган ҳафтанинг ўзидаёқ келишиб бўлинган эди. Ҳозирда асосий масала «Лион» клуби билан молиявий шартларни ҳал қилишда қолмоқда. Франция клуби раҳбарияти футболчининг сотувидан камида 35 миллион евро ишлаб олишни хоҳламоқда.

Франция чемпионатининг ўтган мавсумида Фофана 12 та учрашувда майдонга тушиб, 2 та гол урди ва 3 та голли узатмани амалга оширди. Унинг «Лион» билан амалдаги шартномаси 2028 йилгача мўлжалланган.