«Манчестер Юнайтед» яқин вақт ичида «Реал» ярим ҳимоячиси Эдуардо Камавинга учун расмий таклиф билан чиқиши мумкин. Бу ҳақда Cadena SER хабар берди.
Манбага кўра, Англия клуби Франция терма жамоаси футболчиси учун 50 миллион евро тўлашга тайёр.
23 ёшли Камавинганинг «Реал» билан амалдаги шартномаси 2029 йилга қадар мўлжалланган. Transfermarkt портали ҳам футболчининг бозор қийматини 50 миллион евро атрофида баҳоламоқда.
Камавинга 2025/26 мавсумида барча мусобақалар доирасида 43 та учрашувда майдонга тушиб, 2 та гол урди ва 1 та голли узатма амалга оширди.
Шунингдек, ярим ҳимоячи 2026 йилги жаҳон чемпионати учун Франция терма жамоаси қайдномасига киритилмаган.
